د آی تی تی آف تکواندو یوولسم پړاو سیالۍ په کابل کې ترسره شوې.
دغه سیالۍ د ټولو لپاره د سولې تر شعار لاندې په لاره اچول شوې وې چې د کابل د څلورو ورزشي کلپونو څخه د 200 تنو ښځینه او نارینه ورزشکارانو برخه اخیستې وه ، چې د پنځو کټګوریو کې د تربیت بدنی او سپورټ عمومي ریاست د-500 نفرو جمنازیم تالار کی د درې ورځو لپاره پیل شوې.
د دې سیالیو د ترسره کولو موخه د کابل په غوره شوي ټیم کې د غړیتوب لپاره غوره چهرو ټاکل دی.
د سیالۍ په پرانیسته غونډه کې د ملي پخلاینې عالي شورا رییس ډاکټر عبدالله عبدالله او د سپورټ ادارې مشرتابه ګډون درلود.
